السيرو: يمكن تستعملو أي سيرو متوفر عندكم، أنا استعملت سيرو الخوخ المعلب
الحشوة: كريم شانتيي خوخ مصبر حب الملوك
التزيين: كريم شانتيي خوخ حب الملوك شوكولاه
نطربو البيض مع السكر، حتى يبياض الخليط و يتضاعف حجمه، من بعد نضيفو الطحين و الكاكاو شوية بشوية و حنا تنخلطو بالطراب اليدوي نعملو ورق السولفيريزي في لاطة ديال الفران مستطيلة الشكل، و ندخلو الجينواز طيب مدة 10 إلى 15 دقيقة منين تبرد الجينواز، نقطعو جوج أقراص و الباقي نحاولو نعملو منه قرص ثالث نعملو القرص الأول في الإطار الحلواني، نسقيوه بالسيرو تم نعملو طبقة من الشانتيي، من بعد نوزعو عليها قطع من الخوخ، و ندخلوها للمجمد 10 دقائق
نحاولو نستفو قطع الجنواز لي بقات لنا و كونا منها قرص ثالث، و نسقيوه، و نعملو طبقة أخرى من الشانتيي و نوزعو قطع من حب الملوك، تم ندخلها للمجمد 10 دقائق
في المرحلة النهائية نعملو القرص الأخير، و نسقيوه، و نلبسو الطارط بالشانتيي و نزوقوها حسب الرغبة